Андижон вилояти Маҳалла ва оилани қўллаб-қувватлаш бошқармаси бошлиғи ва унинг ўринбосарлари тайинланди

Ўзбекистон Республикаси Президентининг 2020 йил 18 февралдаги "Жамиятда ижтимоий-маънавий муҳитни соғломлаштириш, маҳалла институтини янада қўллаб-қувватлаш ҳамда оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида" ги фармонига асосан Маҳалла ва оилани қўллаб-қувватлаш вазирлиги ташкил этилди. 

Ушбу қарорга мувофиқ Андижон вилояти ҳокимининг ўринбосари, вилоят хотин-қизлар қўмитаси раиси лавозимида фаолият олиб борган Юнусова Манзурахон Пазлиддиновна эндиликда Андижон вилоят ҳокимининг ўринбосари, маҳалла ва оила масалалари бошқармаси бошлиғи лавозимига тайинланди.

Бошқарма бошлиғининг Хотин-қизларнинг ижтимоий-сиёсий фаоллигини ошириш бўйича биринчи ўринбосари этиб 

Низамова Мавлюдахон Шералиевна,  

Бошқарма бошлиғининг Хавфсиз, маҳалла фаолиятини ташкил этиш ва мувофиқлаштириш бўйича ўринбосари этиб – Нишанов Махамаджон Садиқжанович, 

Бошқарма бошлиғининг Кексалар ва фахрийларни қўллаб-қувватлаш ва ижтимоий фаоллигини ошириш бўйича ўринбосари этиб – Уктамжон Ахунов тайинландилар.

Андижон вилояти ҳокимлиги
МАТБУОТ ХИЗМАТИ.

Facebook | Twitter | Instagram | YouTube | Telegram